BO NADAL 2016

BO NADAL A TODOS OS MEUS ALUMNOS E ALUMNAS E AS SÚAS FAMILIAS!

Grazas polo voso traballo durante este primeiro trimestre do curso. Vémonos en xaneiro.

NADAL 2016.TRABALLANDO NA AULA. CAN,T HELP FALLING IN LOVE. CUÉNTAME. FRAUTA DOCE.

Continuamos celebrando o Nadal, e como remate de trimestre, escoitamos estas dúas melodías interpretadas polos alumnos de 5º.

                          

NADAL 2016. TRABALLANDO NA AULA. RODOLFO EL RENO.

Un millón de grazas polo voso esforzo!!!!! Foi emocionante ver o interés que puxestes todos para que saíra ben a grabación desta partitura a que lle adicamos tan pouco tempo. Sodes fantásticos!

BO NADAL

ALUMNOS DE 6º CURSO

NADAL 2016. TRABALLANDO NA AULA. PANXOLIÑA " ES DE MARÍA"

                      

ALUMNOS DE 6º CURSO                                              ALUMNOS DE 4º CURSO

                     

ALUMNOS DE 4º CURSO                                            ALUMNOS DE 1º CURSO 

                     

ALUMNOS DE  5º CURSO                                             ALUMNOS DE  5º CURSO

                     
ALUMNOS DE 3º CURSO                                              ALUMNOS DE 3º CURSO

O CREBANOCES. TCHAIKOVSKY

Como o Nadal está moi preto, imos aproveitar para ver e escoitar este Conto de Nadal,

  "O Crebanoces", con música de Thaikovsky.

 

Agora escoitade o seguinte vídeo para coñecer un pouco a este gran compositor ruso:

SOMOS DJs

Compón a túa música con esta máquina de mezclas!!

MEMORIA MUSICAL

Prestade moita atención!!!!! Este xogo consiste en reproducir todos os sons que se irán emitindo, na mesma orde na que soan. A ver ata onde sodes capaces de chegar. Sorte!!!!

TRABALLANDO NA AULA. HALLELUJAH. LEONARD COHEN.

Esta é outra das partituras que aprendemos neste 1º trimestre, interpretada polos alumnos e alumnas das tres aulas de 6º curso.

MI, FA, SOL, LA

Para os meus alumnos de 2º curso: hoxe estivemos repasando na aula  a colocación de catro notas no pentagrama, mi, fa, sol e la.Aquí tedes o xogo para que poidades practicar e mellorar a lectura musical.

FRAUTA 6º. JINGLE BELL ROCK . RODOLFO EL RENO

Neste vídeo soan dúas panxoliñas moi coñecidas para tocar coa frauta. Este ano imos atrevernos coa segunda, Rodolfo el reno, xa que o tempo non nos da para máis.

"ES DE MARÍA". CORO TAJAMAR / LOS SECRETOS.

Este ano  imos  preparar esta fermosa panxoliña, interpretada polo Coro Tajamar con base musical do grupo de pop español "Los Secretos".Espero que vos guste. Máis adiante pubicarei ás nosas versións.

HALLELUJAH. LEONARD COHEN. VERSIÓN PENTATONIX.

EN HOMENAXE A LEONARD COHEN QUE NOS DEIXOU O DIA 7 DESTE MES DE NOVEMBRO.

TRABALLANDO NA AULA. PARA QUÉ LLORAR. ESCENIFICACIÓN.

Foi moi divertido grabar estes vídeos, nos que os alumnos dos tres sextos deron paso a súa creatividade e bailaron ao seu aire a canción PARA QUÉ LLORAR.

         

TRABALLANDO NA AULA. CARROS DE FUEGO. FRAUTA DOCE.

Noraboa aos meus alumnos de 6º polo seu traballo e esforzo!!!!!! Aquí está o resultado. Espero que o disfrutedes tanto coma eu. Estou moi orgullosa de todos eles.

CANTAMOS. FUN AO MERCADO

Teño un alumno , Alejandro, ao que lle encanta esta canción. Para que a poida escoitar tantas veces como queira. Pódese interpretar con sinxelos xestos que axuden a memorizar a letra.

BOOMWHACKERS. OH WHEN THE SAINTS

Nova partitura para traballar e divertirnos cos boomwhackers!!!

SAMAÍN 2016

Este ano imos traballar a canción Samaín de Jesús Pareja. Déixovos tamén unha escolma doutras cancións referentes a esta celebración



                  

               

Recurso atopado no blog de música  MUSIKEANDO.

CANCIÓNS DE OUTONO.

           

Dúas cancións sobre o outono para traballar cos máis pequenos, a primeira titúlase "El Otoño" e no segundo vídeo soa "Y Lloverá". 

TRABALLANDO NA AULA. BOOMWHACKERS.. BIG BAND

Disfrutando cos boomwhackers!!!!!! 

Big Band  é a primeira melodía que traballamos con estes instrumentos de percusión tan  divertidos . Temos que tentar seguir o pulso da música e non acelerarnos tanto, pero para ser a primeira vez, non quedou mal. A visión do vídeo axudaranos a correxir todos os erros cometidos e a que a próxima proposta salia mellor. Bo traballo en equipo, chicos !!!!!

ALUMNOS DE 6º CURSO

BOOMWHACKERS.

Este curso imos traballar cuns novos instrumentos de percusión , os boomwhackers.

Son uns tubos de plástico , ocos e de diferentes lonxitudes e cores . Cada un deles produce un son , formando entre todos a escala musical. Podemos golpealos no chan, na man , na mesa...

Todo o mundo moi atento, pois hai que traballar en equipo para crear diversas melodías

Colgaremos vídeos co resultado do noso traballo!!!!!!

CANTAMOS. PARA QUÉ LLORAR.DASOUL & KEYMASS & BONCHE

Canción moi alegre, que hoxe , na aula , me propuxo unha alumna de 4º, Laura; gústame porque ten unha letra moi optimista que nos anima a valorar as couasa boas da vida e ademáis  porque me parece moi adecuada para facer acompañamentos con instrumentos de percusión e percusión corporal. Algo inventaremos. Espero que a disfrutedes!!!!

APRENDE XOGANDO. COMPÁS DE 4/4

Terás que acertar todas as preguntas sobre o compás de 4/4, si queres lanzar ao profesor.Boa sorte!!!!!!

CANTAMOS. CÓMO TE ATREVES. MORAT

Sei que a moitos dos meus alumnos gústalles  esta canción do grupo colombiano MORAT, ca que se fixeron famosos no noso pais este verán. Aquí tedes o vídeo coa letra.

COREOGRAFÍA. LA BICICLETA. CARLOS VIVES / SHAKIRA.

Para empezar con alegría e  moita marcha,  imos aprender esta coreo da canción" La Bicicleta",  que tanto se escoitou este verán. Creo que vos vai a gustar.

E para que poidades aprender a letra , aquí vos deixo outro vídeo.

CURSO 2016/ 2017

Aquí estamos, empezando un novo curso, no que espero que todos xuntos continuemos disfrutando de todo o que a MÚSICA aporta ás nosas vidas!!!!!!!!!

                    

GRACIAS A TI. DEDICADO A CARMEN IGLESIAS PARDO.

Onte,22 de xuño, foi un día moi especial no noso cole. Xubilouse unha gran profesora e mellor persoa, Carmen Iglesias.Por iso, alumnos e profesores quixémoslle adicar unha canción para mostrarlle todo o noso cariño e agradecemento pola súa dedicación durante tantos anos ao noso centro. Ímoste botar moito de menos, Carmiña!!!!!

FRAUTA 4º. ALL MY LOVING . THE BEATLES

FRAUTA 5º. CARROS DE FUEGO. VANGELIS

Nova partitura para os meus alumnos de 5º. Espero que a disfrutedes !!!!

OS INSTRUMENTOS DE VENTO.

Repasamos a familia dos instrumentos de vento. Lembra que se clasifican en dous grupos, vento-madeira e vento metal. Nesta actividade terás que recoñecelos polo seu son. Ademáis poderás formar o teu propio quinteto de vento e escoitar como soa.

O VERÁN. ANTONIO VIVALDI

Como xa estamos chegando ao verán, quédanos por escoitar este curso, a composición de Vivaldi adicada a esta estación do ano.

CONCURSO 6. XEROGLÍFICOS MUSICAIS.

Ola a todos!!!!  Para poñer as neuronas a funcionar propóñovos estos cinco xeroglíficos. Coma sempre pódese participar enviando as respostas aos comentarios desta entrada ou ben escribíndoas  nun folio que me teredes que entregar.O prazo rematará o venres da próxima semana,3 de xuño.Todos os que teñades ben as respostas teredes que acertar un último xeroglífico que vos amosarei a todos á vez. Xuntarémonos un anaquiño nun recreo e, aquel de vós que acerte antes o  último xeroglífico , será o gañador. Aí van:

FAMOSO CANTANTE ANDALUZ

                     

TÍTULO DE CANCIÓN DUN  CANTANTE ESPAÑOL

NOME DUN BAILE

INSTRUMENTO DE PERCUSIÓN

GRUPO MUSICAL ESPAÑOL DOS ANOS 8O  

CANTAMOS. GRACIAS A TI.

        

      

      

                        

MUSIC LAND

A partires deste divertido vídeo  poderemos coñecer as diferenzas que existen entre dous tipos de música, a Música Clásica e o Jazz, que instrumentos soan en cada unha delas, comparar distintos ritmos...

TEST MUSICAL.

Si  premedes nesta imaxen, poderedes acceder a un estupendo blog de música, MUSYGAUNAS, no que atoparedes varios tests de música. Así comprobaredes os vosos coñecementos e o que tedes que repasar. Ao finalizalos podedes ver as respostas correctas e os erros, e así tratar de mellorar.

ENGALENENO. KARAOKE.

Ola a todos!!!!!! Como xa sabedes, no noso cole hai un estupendo blog  QUER QUE LLE QUER,  para promover e dinamizar o uso da nosa Língua. Pois ben, os profes que o levan recomendáronnos un  Karaoke fantástico en galego, ENGALENENO. Aquí vos deixo un enlace. Todo o mundo a cantar!!!!!!

CANTANDO A MANUEL MARÍA. LETRAS GALEGAS 2016

TRABALLANDO NA AULA. FRAUTA 5º. BAJO EL MISMO SOL.

  Alumnos de 5º curso ensaiando a partitura "Bajo el mismo Sol ", que estamos a aprender neste terceiro trimestre.

TRABALLANDO NA AULA. FRAUTA 3º. A LA CLAIRE FONTAINE.

    

Alumnos de 3º de Primaria interpretando A LA CLAIRE FONTAINE coas frautas.

MUSICOGRAMA DANZA DE LAS HACHAS.JOAQUÍN RODRIGO.

    

Musicograma elaborado por Javier Ramos Salinas sobre o fragmento musical "Danza de las Hachas", pertencente á obra "Fantasía para un gentilhombre" (1954), do compositor español Joaquín Rodrigo.

JOAQUÍN RODRIGO
(SAGUNTO, 1901/ MADRID, 1999)

COMPARTIMOS MÚSICA

No noso cole, hai rapaces que están aprendendo a tocar distintos instrumentos, ben sexa en escolas de música ou en diversos conservatorios. Eles queren compartir os seus coñecementos con todos nós, polo que lles dou as grazas. Son grandes músicos!!!!!
Irei engadindo máis vídeos nos vindeiros días

       

DANIEL 3º CURSO                                             XOEL 6º CURSO         

          

                       XOSÉ 6º CURSO                                                     ADRIÁN 5º CURSO

                                              

          
      CANDELA E PAULA 5º CURSO                                                CLARA 6º CURSO
                     

         
        IYANA 4º CURSO                                                                     LOIS 5º CURSO

     

                   LUCA 3º  CURSO                                                          IOSUNE 4º CURSO

                                        QUIQUE 3º   CURSO                                                  JULIO 6º   CURSO                            
               
       
                     MORAIMA 5 ºCURSO                                              DANIEL 6º CURSO

           

                     SOLEIL 2º CURSO                                 ZAIRA E LÚA 5º CURSO

     

                       BRAIS 2º  CURSO                                                   BORJA 4º CURSO

FRAUTA 4º. BLOWING IN THE WIND. BOB DYLAN.

TRABALLANDO NA AULA. FRAUTA 4º. EDELWEISS. TWIST.

     

A PRIMAVERA. ANTONIO VIVALDI.

FRAUTA 6º. OH SUSANA.

TRABALLANDO NA AULA. INTERPRETAMOS UN MUSICOGRAMA.

   

Nestes dous vídeos están os meus rapaciños de 2º de E. P, moi concentrados todos eles, intentando interpretar con instrumentos de pequena percusión, un musicograma dunha fermosa melodía de Carlos Núñez.Seguiremos traballando para mellorar.

TRABALLANDO NA AULA. HINE MA TOV.

Ao longo deste segundo trimestre estivemos a traballar en todos os cursos unha danza de Israel,     HINE MA TOV. Aínda que temos que seguir practicando para facela mellor, quero que vexades como traballan nela os alumnos de 5º, aos que felicito polo seu interese.

FRAUTA 5º. BAJO EL MISMO SOL

Estupendo wix de Enrique Cerezo que nos axudará a practicar esta nova partitura.

OS SIGNOS DE PROLONGACIÓN: LIGADURA, PUNTILLO E CALDERÓN.

Pincha na imaxen para abrir o libro . Traballo realizado por Enrique Cerezo. Estupendo recurso!!!

Por si o queredes repasar, aquí vos deixo estes dous mapas conceptuais da Ligadura e o Puntillo.

OS COMPASES .

Este mapa conceptual, elaborado por Eva Mª del Valle, axudaranos a repasar os tres tipos de compases  que utilizamos habtualmente. Moitas grazas por compartilo con nós.

INSTRUMENT FRENZY

            Ola a todos. Imos xogar a clasificar instrumentos, Para iso tedes que lembrar as tres grandes 

familias: instrumentos de percusión, de vento (madeira e metal), e instrumentos de corda. Tedes que ser moi rápidos, pois o mestre necesita telos organizados antes de que comence o concerto. Xogades cun  tempo limitado e se tedes moitos erros remata o xogo. Moita sorte!!!!!!

FRAUTA 4º E.P. TWIST

Nova partitura para os rapaces de 4º. Esta melodía é moi alegre e paréceme bastante sinxela . Espero que vos guste. 

DANZAS DEL MUNDO. HINE MA TOV.

HINE MA TOV é unha danza israelí que imos aprender ao longo deste segundo trimestre.

RESOLUCIÓN DO CONCURSO MELODÍAS DA PAZ

    

 O pasado xoves, 28 de xaneiro , tivo lugar a entrega de Diplomas e premios  aos participantes do concurso Melodías da Paz. Agradézcolles o seu interese e esforzo a todos eles, tanto aos que participaron comentando no blog, como aos que   entregaron un folio coas solucións. As respostas correctas están reflexadas nos comentarios dos alumnos; ademáis xa  revisamos en todas as aulas os vídeos, comentando título e  intérprete de cada un.

TRABALLANDO NA AULA. COREOGRAFÍA AMIGOS DEL CORAZÓN. DÍA DA PAZ 2016.

Ao longo do 1º trimestre estivemos traballando, en todos os cursos, unha coreografía xa inventada que corresponde á canción AMIGOS DEL CORAZÓN. O venres pasado, aproveitando que se celebraba o Día  da Paz, fixemos este  vídeo para que o poidades ver. Hai alumnos de todos os niveis; todos eles voluntarios, aos que lles dou as grazas pola súa colaboración.

RITMOS. VILLANCICO PARA LA NAVIDAD. CARLOS NÚÑEZ.

Imos traballar ritmos con instrumentos de percusión que temos na aula. Trátase de seguir un musicograma e de ser capaces de interpretalo, pois hai que saber cando e como temos que tocar.

Traballaremos sobre a fermosa música titulada VILLANCICO PARA LA NAVIDAD DE 1829, do gran músico  vigués, Carlos Núñez ( Vigo, 1971), quen está considerado un dos mellores gaiteiros do mundo.Esta melodía está incluida no álbum  A IRMANDADE DAS ESTRELAS (1996). 

CANTAMOS. RITMOS. DAM, DAM.

 Canción para traballar ritmos con percusión corporal.

TRABALLANDO NA AULA. TITANIC. FRAUTA 4º.

   

Os meus frautistas de 4º, todos concentrados tocando Titanic!!!!!

FELiZ CUMPLEANOS!!!!!!

Estamos de celebración, hoxe o noso blog cumple dous anos dende a sua primeira publicación, e acabamos de acadar as 80.000 páxinas vistas. Nunca imaxinei que poidera ter tanta acollida e me sinto moi orgullosa de que vos sexa útil e ameno. Moitas grazas a todos os nosos visitantes, e sobre todo grazas aos meus alumnos; sin eles, sin o seu traballo, esforzo e ilusión por aprender,  este blog non sería posible.

    

   

CONCURSO 5. MELODÍAS DA PAZ.

Por fin chegou o primeiro Concurso deste ano. Sei que xa estabades impacientes !!!!!!

 Imos comenzar:  como todos sabedes, o día 30 de xaneiro celébrase o Día escolar da Paz, por iso propóñovos que  escoitedes con atención estos vídeos . Os alumnos de primeiro, segundo e terceiro teredes que averiguar o título e o intérprete de 10 deles, dos que queirades, eso sí, teredes que poñer o número do vídeo ao que vos referides, sendo o número un o de arriba a esquerda, o dous o situado arriba a dereita e así sucesivamente. Os alumnos de cuarto, quinto e sexto faredes o mesmo con todos os vídeos. Lembrade poñelos na orde en que están. Hai  un vídeo interpretado por unha orquestra; decídeme o título da melodía que interpretan e o compositor da mesma. O prazo rematará o  venres 29 de xaneiro. Podedes participar enviando as vosas respostas aos comentarios desta entrada, ou ben entregándome  un folio co voso nome, apelidos e curso, que depositarei nunha caixa na aula de música.Os comentarios do blog serán privados ata que remate o prazo de participación.O primeiro que envíe as respostas correctas será o gañador, un por cada categoría e publicarei no blog os seus no mes.  Tamén recibirán como premio un lápiz con  forma de clave de sol. Asemade sortearei  entre todos os participantes que envíen as respostas correctas, tres lápices máis  na primeiro categoría e outros tres entre os acertantes de cuarto, quinto e sexto. Moita sorte a todos e veña, a investigar!!!!!!!!!

     

   

    

    

   

   

   

CANTAMOS. TU ENEMIGO

Dedicada aos meus alumnos de 5ºC, aos que lles encanta esta canción

FRAUTA 6º. THINKING OUT LOUD. ED SHEERAN

O INVERNO. ANTONIO VIVALDI