INDICACIÓNS TERCEIRO TRIMESTRE

Ola a todos/as, aquí seguimos e imos tentar continuar  traballando neste tramo final de curso.Non vos agobiedes con MÚSICA, so pretendo que vos lembredes do que fixemos ata agora e ao mesmo tempo, que pasedes un rato divertido con esta asignatura. Engado algunha partitura nova ,por cursos, para aqueles que vos apetezca avanzar un pouco coa frauta, pero á volta farémolas todos xuntos na aula.
Se tedes algunha dúbida, podedes deixar comentarios nesta entrada, ou no libro de visitas do blog, que revisarei a menudo; así estamos en contacto. Tamén irei publicando novos xogos e exercicios no blog; hai que estar atentos!!!!
MANDÁDEME, SE VOS APETECE, OS VOSOS VÍDEOS, A ESTA DIRECCIÓN DE CORREO ELECTRÓNICO  wenceslaocanta2020@gmail.com, e si queredes os subo ao blog.
Ánimo e moitos bicos. 

1º / 2º CURSOS

- ENTONACIÓN: repasade as cancións traballadas este ano; a maioría delas tédelas no apartado de Canción infantís ou na etiqueta "Cantamos".

- PERCEPCIÓN AUDITIVA: XOGAMOS  AOS DETECTIVES;neste xogo tedes que prestar moita atención pois teredes que identificar qué sons están a soar e así resolver os misterios.

-MÚSICA E MOVEMENTO: COREOS JUST DANCE. Ides a esa entrada do blog e practicades as coreos que máis vos gusten.

- RITMO: Podedes repasar algún dos musicogramas que fixemos este curso, e que tedes nas etiquetas onde pon" Musicogramas" ou tamén en "Audicións musicais"
Ademáis, púxenvos un novo musicograma que se chama RONSEL, para que fagades cunha culler e cun garfo. Atención, parade nos silencios!!!

- LINGUAXE MUSICAL: no apartado de  XOGOS MUSICAIS poderedes repasar o que aprendemos este curso, como que é un pentagrama, clave de sol, colocación de notas no pentagrama, as figuras blanca, negra e doble corchea...

3º CURSO

 -  Todos os apartados que relatei para primeiro e segundo tamén os tedes que facer os alumnos de terceiro (repasar cancións, facer ritmos seguindo un musicograma, bailar...).
Ademáis , este traballiño é so para vós:

- FORMACIÓN INSTRUMENTAL, practicade todas as partituras de flauta que demos este curso:
Rondín Picotín, Souvenir de Vals, Fais Dodo (nana), Las Campanas e Vals Bleau. Están  todas ademáis de nas vosas carpetas, na etiqueta"FLAUTA 3º" .
Novas partituras para practicar este trimestre: "A LA CLAIRE FONTAINE" E "POLKA", QUE TAMÉN ESTÁN EN FLAUTA 3º. Estas dúas partituras introducen o re´( re agudo),nota situada na cuarta liña do pentagrama.
 Lembrade que para facer este son coa flauta, tedes que poñer a mesma posición de do´e destapar o burato de atrás.
Por outra banda, botádelle un ollo as fichas que vos din sobre as familias de instrumentos para repasalas.

- LINGUAXE MUSICAL, repasade a colocación das notas no pentagrama,as figuras musicais e o seu valor, e os silencios. Hai un montón de xogos no blog para facelo : 24 arañas, atrapa as notas...

Podedes mandarme vídeos tocando, así vos vexo!!!!

4º CURSO 

- Os apartados que relatei para primeiro e segundo tamén os tedes que facer os alumnos de cuarto (repasar cancións, facer ritmos seguindo un musicograma, bailar...).
Específico para os nenos e nenas de cuarto:

- FORMACIÓN INSTRUMENTAL, practicade todas as partituras de flauta que demos este curso: Sueño celta, Scarborough fair, Edelweiss e Titanic. Tedes todas as partituras, e para facelas coa base musical entrades en FLAUTA 4º.
Novas partituras para practicar neste trimestre: "A RIANXEIRA" E "BRAVEHEART", están as duas en FLAUTA 4º. 
Facede o que poidades, unha, as dúas....Non vos preocupedes que as estudiaremos cando nos xuntemos, pero si vos apetece ir practicando, aí están.

Repasade tamén as familias de instrumentos.

- LINGUAXE MUSICAL, repasade a colocación das notas no pentagrama,as figuras musicais e o seu valor, e os silencios. Hai un montón de xogos no blog para facelo : 24 arañas, atrapa as notas...

Podedes enviarme os vosos vídeos tocando, si queredes.

5º CURSO

Ola rapaces e rapazas de 5º,estas son as vosas indicacións para o último trimestre.

ENTOACIÓN: repasade as cancións que aprendemos este curso; están todas no blog, na etiqueta "Cantamos". As últimas que vos puxen foron as do Concerto Didáctico que íamos ir  ver e que empezamos a traballar na aula "El viaje de Walt". Non teñen por qué ser todas, aquelas que vos gusten. 

COREOGRAFÍAS: na entrada "Coreos just dance" tedes un montón delas para facer; ademáis na etiqueta "coreografías" podedes lembrar as que fixemos , por exemplo, o ano pasado.

DANZAS DO MUNDO: A ver se sodes capaces de facer o "SIRTAKI" ata o final, a toda velocidade!!, que foi a última que aprendemos.

RITMOS: hai musicogramas no blog, que xa fixemos e podedes repasar; ademáis tentade facer o último que puxen, RONSEL, cunha culler e un tenedor de pao , para non facer un estropicio nas vosas casas.

LINGUAXE MUSICAL: a partir dos xogos, e tamén na etiqueta "Linguaxe musical", repasade a colocación das notas no pentagrama, as figuras e o seu valor, os silencios, signos de prolongación (colguei unha nova entrada para que o repasedes, aínda que había xa outras no blog sobre o mesmo) e os signos de repetición que demos.

FORMACIÓN INSTRUMENTAL: practicade todas as partituras de flauta que demos este curso, All my loving, Love me tender, Adeste fideles, Cuéntame , Carros de fuego.

Novas partituras para os que queiran avanzar un pouco máis: HIMNO GALEGO E RESISTIRÉ.
As atoparedes as duas na vosa etiqueta de Flauta 5º. Antes de empezar a tocar, escoitádeas un par de veces, e leede as notas co seu valor.

Podedes repasar tamén as familias de instrumentos e a colocación dos instrumentos na orquesta sinfónica.

6º CURSO

Ola rapaces e rapazas de 6º, coas ganas que tiña eu de seguir facendo cousas novas con vós, xa que é o voso último curso no cole.... 
Veña, pois nos poñemos as pilas e todo o mundo a desfrutar con esta asignatura.Moitas das indicacións son as mesmas que en 5º, salvo en formación instrumental.

ENTOACIÓN: repasade as cancións que aprendemos este curso; están todas no blog, na etiqueta "Cantamos". As últimas que vos puxen foron as do Concerto Didáctico que íamos ir  ver e que empezamos a traballar na aula "El viaje de Walt". Non teñen por qué ser todas, aquelas que vos gusten. 

COREOGRAFÍAS: na entrada "Coreos just dance" tedes un montón delas para facer; ademáis na etiqueta "coreografías" podedes lembrar as que fixemos , por exemplo, o ano pasado.

DANZAS DO MUNDO: A ver se sodes capaces de facer o "SIRTAKI" ata o final, a toda velocidade!!, que foi a última que aprendemos.

RITMOS: hai musicogramas no blog, que xa fixemos e podedes repasar; ademáis tentade facer o último que puxen, RONSEL, cunha culler e un tenedor de pao , para non facer un estropicio nas vosas casas.

LINGUAXE MUSICAL: a partir dos xogos, e tamén na etiqueta "Linguaxe musical", repasade a colocación das notas no pentagrama, as figuras e o seu valor, os silencios, signos de prolongación (colguei unha nova entrada para que o repasedes, aínda que había xa outras no blog sobre o mesmo) e os signos de repetición que demos.

FORMACIÓN INSTRUMENTAL: practicade todas as partituras de flauta que demos este curso, Cero, we are the world, Noche de Paz, Lambada. Ata agora fixéstelo moi ben porque ningunha das partituras eran sinxelas

Novas partituras para os que queiran avanzar un pouco máis: HIMNO GALEGO,  RESISTIRÉ e  O SON DO AR.
Evidentemente, non hai que estudialas todas, escollede a que queirades; se podedes facer ben unha delas, mellor que as tres mal tocadas.A primeira é moi sinxela, por iso vos propoño tres partituras.
As atoparedes  na vosa etiqueta de Flauta 6º. Antes de empezar a tocar, escoitádeas un par de veces, e leede as notas co seu valor.

Podedes repasar tamén as familias de instrumentos e a colocación dos instrumentos na orquesta sinfónica.